ракеталардың жіктелуі

(Классификация ракет)

ракетаның төмендегі белгілеріне қарай топтастырылуы: 1) нысананың орналасқан жеріне ракетаны жіберуге арналған қондырғының орналасуына қарай мынадай кластарға "Жер — Жер", "Жер — Әуе", "Әуе — Әуе", "Әуе — Кеме", "Кеме — Әуе", "Кеме — Жер", "Жер – Бейбіт кеңістік"; 2) формасы мен құрылымдық ерекшеліктеріне қарай 2 топқа – баллистикалық ракета және қанатты ракета (ұшақ-снарядтар); 3) ұшқанда басқару ұстанымдарына қарай 2 топқа — басқарылатын, басқарылмайтын; 4) оперативті-практикалық тапсырмаларды орындауына байланысты — тактикалық, оперативті-тактикалық, стратегиялық; 5) әрекет жасау қашықтығына байланысты — жақын, орта және алыстан әрекет ететін ракета болып бөлінеді. Қарастырылған белгілеріне қарай ракеталарды топтау үнемі кеңейе бермек. Бұлардан басқа ракеталарды басқа да белгілеріне қарай (қозғалтқыш түріне, басқару жүйесіне, аэродинамикалық жүйесіне, т.б.) топтауға болады.